Ha ka Result SSLC 2024 wa pynbna da ka MBOSE ynne ka sngi, ar ngut ki khynroo khyllood da rah naam ki ya ka Ri-loom Jaiñtia lyngba i yoh psiah yong ki haka thup Top-20, kitæ kynthup i ya u Dauniwan Sajem uwa da yoh hei kyrdan 10th Position na ka skur Shangpung Presbyterian Higher Secondary School wa ka Hakiru Challam kawa da yoh hei kyrdan 16th Position naka skur St. Mary Mazzarello Girls’ Higher Secondary School, Jowai.
Ka Hakiru Challam hawa wan li mih cha skur da e khublei ko ya kiwa sikai kamjooh ki para khynnah skur hadien wa da tip ya ka Result, neitæ da kyntu haroh ko ya ki khynnah skur wow man kiwa kreh chitom wei wym toh u randien lada maad yei eh i khoo hei lai luti. Tangwa toh u chaniah ha idæ wei wow kynmoo leh ya u Blai.
Neiliang ka Principal yong ka St.Mary Mazzarello, ka Sister Theresa Phawa da khana ko wa ya kani ka khynnah da em chwa hi i yooluti nadooh wa sdang puræ Class-X ko, wei da yaroh ko leh yei man i long yong ka ym du hei puræ tangwa ha kiwi won ki kaam yong ka skur.
Hei yaklam wa u Dauniwan Sajem ong u wa i puræ kot nadooh sdang snem yarap ko u poi cha ka thong wei i ye yong oo u poi cha kani ka thong toh deiwa kreh chitom chirup deilang i kyrchaan wei e mynsien ka yung ka sem ki lok ki jor wa kiwa sikai.
Discussion about this post