Ar ngut ki khynnah na Northeast da rah naam ki ya ka thaaiñ wa ka jylla yong ki deiwa yoh ya ka Pradhan Mantri Rashtriya Bal Puraskar, ka Award wa tipmit ya u moomær wa yoh ki khynnah ha kylleiñ ka ri.
Kini ki ar ngut kynthup ki ya ka Aishi Prisha Borah (14 snem) na Jorhat, Assam, heiyatoh wa ka Science and Technology heiwa da kreh ko ya ki kaam wow yada ya ka bei rymaw.
Ka Aishi da kyntu ko kammon u leh khnang wow yada nadooh ki kaam rep, i pynkylla sboh khyndaw ya ki kotkhubor, u chna ya ka kor chna let deiwa pynemkaam da ki kotkhubor wa kiwi.
Ki kaam wa da leh ko boonsien hi toh u pynchlur wow pynemkaam biang boonsien ya ki tiar heiwa da chimbynta ko ha ki Regional and State Science Exhibition, ka Rashtriya Bal Vaigyanik Pradarshini ha New Delhi wa ka National Children’s Science Congress ha Ahmedabad.
Sa kawi won ka khynnah toh ka Esther Lalduhawmi Hnamte na Lunglei, Mizoram kawa da yoh ya ka Bal Puraskar heiyatoh ha ka Art and Culture.
Ka Esther toh kawa 9 snem wei da bna naam ko heiyatoh wa ki sur wa rwai ko kiwa da em palat 20 Million View na YouTube wei da em ko leh 1.13 Million ngut ki Subscriber ha ka Channel ko.
Da man ko wa da naam heiwa da yoh ko u rwai ha ka Opening Ceremony ka Ashtalakshmi Mahotsav ha New Delhi ha u December 2024 heiwa da sakhi leh da u Prime Minister.
Da yoh yaroh ko leh na u Home Minister heiyatoh wa ki rwai maya ri ko ha i rta wa dang khian bha.
Ka Pradhan Mantri Rashtriya Bal Puraskar da e ya ka cha ki 20 ngut ki khynnah na ki 18 jylla wa Union Territory da ka President ka ri kam chibynta wow pynchlur ya ki kamjooh wow pynchlur ya kiwi.
Discussion about this post