Jowai: Man ko i wow sñiaw sarong ya ka jylla wa ka ri India waroh kawi hadien wa ar ngut ki khynnah na ri-loom Jaiñtia da wanrah naam ki ha ka lympung Taekwando kawa da man ha kani ka 5-7 tarik uni u bnai kawa tip kam ka 1st All Assam Teakwando Championship 2017, kawa da pynman ha Nagoan Assam.
Neiliang ki ar seiñ kiwa kynthup ya ka Indigenous Biodiversity And Social Welfare Association (IBSWO) wa ka Jaintia National People Organisation (JNPO) da yaroh ki ya kini ki ar ngut wa tip kam u Ainpkit Wilson J. Suchiang wa u Arnyban J. Suchiang kiwa na Dongmihsngi Ladthadlaboh, Jowai.
Kini ki ar ngut da yoh ki ya ka takma Tama (Bronze) ha kani ka lympung.
Chooh chooh neiliang ki ar seiñ da e yaroh ki ya kini ki ar ngut ki khynroo wei da kitbok ki leh ya ki wow tia ki chaphrang ha kani ka yalehke wei wow man ki kam kiwa emynsien leh ya kiwi.
Da kyrpaad leh ya kini ka tnat Sports & Youth Affairs ka jylla wow pait ya kam kini ki khynnah kiwa da wanrah naam ya ka District wa ka jylla waroh kawi.
Discussion about this post