Ha ka 29 tarik u Naiynru ka MBOSE da pynbna ko wow pyman ya ka Special Exam ka SSLC waka HSSLC neibynta ki khynnah wa dooh u lai thoh Exam na ki daw wa yatoh wa ka khlam COVID-19 nadooh kiwa chah ktah ha u khñiang, kiwa hap leh Quarantine wa kiwa em hapoh ki Containment Zone heiwa kini ki Exam toh kiwa daw sdang nadooh ka 9 tarik uni u bnai.
Neidaw won wa ka 9 tarik da haap ko ha ki sngi wa pynman ya ka Behdieñkhlam kamtæ da rah ya kini ki Exam cha ka 12 tarik uni u bnai kiwa daw pynkut ha ka 20 tarik uni hi u bnai.
Neibynta ka SSLC da booh 35 tylli ki thaw thoh Exam namo ki Centre katwa neibynta ka HSSLC da booh 18 tylli ki Centre.
Kamwa pyntip u Montri ka chnat puræ puthi ini wa dep, ki khynnah Class XII kiwa dooh wow yaleh ya ki kattu katni ki Subject da em ki 92 ngut katwa 15 ngut toh kiwa khlem yoh wow thoh ya ki Exam. Kiwa yaleh Exam Class X won kiwa dooh wow yaleh ya ki kattu katni ki Subject da em ki 74 ngut wa 34 ngut kiwa ym em yoh wow yakhun ya waroh ki Subject.
Ki Routine thymme man ki kani ha wah:
