Ka Jaiñtia Women Awakening Movement (JWAM) da pynman ko ya ka yakob chaad namo ka Dancing Competition wa chi sngi ha ka 21 tarik u Wisu (March) 2026 ha District Library Auditorium, Mynthong, Jowai.
Kamwa da booh, u kongsan ha kani ka sngi toh u Wailadmiki Shylla, Montri sorkar tangwa ym em u poi u kamtæ da jied da u Dapoiwanmi Laloo, President ka Meghalaya Peoples United Front (MPUF) kam u kongsan.
Ya ka yalang da pynlai da ka T. Dkhar heiwa da yoh yei klam da ka T. Lytan, General Secretary ka seiñ, na u Bormi Phawa kam u uwa chah khut sñiaw wa na u kongsan.
Ya kani ka yakob da wan bichaar da u S.K. Langdoh ka M. Shylla wa ka L. Suchiang.
Kiwa chimbynta waroh da em ki 14 ngut heiwa napyrdi kini ya ka Prize wa nyngkong da yoh da u Eveningstar Phawa uwa da yoh ya ka song poisa Rs. 6,000 waka Certificate, yei naam wa ar da yoh da u Karan Khongsit uwa da yoh ya ka song Poisa wa Rs. 4,000 waka Certificate katwa yei kyrdan wa le won da yoh da ka Nidahoi Biam kawa da yoh ya ka song poisa wa Rs . 2000 waka Certificate.
Ya ki Consolation Prize hei kyrdan wa nyngkong da yoh da u Phermi Ryngkhlem, ka Prize wa khaddooh da yoh da ka Thygracefull Shadap waka poisa mar Rs. 1000 samen deilang ki Certificate.
Ya ka yakob da pynkut dei klam na u C. Sungoh uwa nan u Adviser ka seiñ uwa da e i kitbok kitrwiang rwiang, i e bor e mynsien ya kiwa kreh ka seiñ.
Da sneiñ u leh ya kiwa yachimbynta kiwa yoh yei jop wa kamjooh ya kiwa rem deiwa ong, “Bha chiboon wa rem i dei mynsien wa sñiaw khian ban yeiwa jop i dei mynsien wa sarong”.
Ka seiñ e khublei wei pynsñiaw ko leh i sñiawngooh sñiaw burom ya waroh ki lok ki jor kiwa yarap wa yakrehlang wa ka ha kani ka yakob hadooh wa man ko kawa jop.
Discussion about this post