Jowai: Ka Khynroo Khyllood Committe (KKC) ka Chnong Panaliar, Jowai da pynman ko ya ka Grand Finale ka Dancing Star Season 4 ynnin i miet ka 29 tarik heiwa da wan sakhi da u MLA ka Jowai Constituency, u Wailadmiki Shylla kam u kongsan.
Chwa wow sdang kani ka yakob chaad da em ka yalang wa tbian wa pynlai da u Wombai Sumer uwa man u Chairman ka KKC heiwa da pyntipmit chwa ya ki Host, wa kynthup ya ka Wandalanki Dkhar wa u Samha oo Passah.
Da yoh yei kyntien Ngooh Blai na u Da Uni Ram Kynjiñ deiwa pynbood yei klam pdiang burom na u Careme Phawa, General Secretary ka chnong Panaliar, i klam waiphang na u Waheh Chnong, u Riauoma Rq. Laloo; uwa da khana yeiwa sdang ya ka Khynroo Khyllood Committee toh nadooh ki snem 1985-86 wei daman ko kam kawi na ki tnat wa krehkaam bha hapoh ka chnong hi waroh kawi.
Da e yaroh u ya ka tnat wa da ye ko u pynman ya kani ka yakob chaad pyllah ka waheh bha deiwa kyntu ya kiwa yahkhmat ka Committee wow kreh ki chooh chooh neibynta i bha yong ka chnong ka thaw.
Kam u kongsan, u Wailadmiki Shylla, da yaroh yei rukom pynkhreh ka chnong Panaliar wa ye ko u pyn yaryngkat wa kiwi tawon ki rynsaan waheh wajooh yoo chapoh Television.
Da ebor e mynsien u ya ka Committee wow ye chooh chooh ko u kreh, u yahkhmat ya ki khynroo khyllood ha ka luti wabha.
Da yoh ya ki kyntien e khublei na u Kaida Thma uwa man u Secretary ka Committee.
Ha kani ka yakob da wan chimbynta hadooh 36 ngut na kylleiñ ka jylla heijooh i por na Assam heiwa da rah yei naam jop da u Heinidaman T. Dkhar katwa ya ka 1st Runner Up da yoh da u Kitboklang Khyllait katwa ya ka 2nd Runner Up won da yoh da u Deimonlang i Niang.
Discussion about this post