Kam chibynta ka Shillong Cherry Blossom Festival 2023, da pynman leh yaka yakob Mr. wa Miss Cherry Blossom heiwa u khynroo uwa na Jowai, uwa tip kam u Trebok Talang uwa sah ha Chutwakhu da yoh u yei naam Mr. Cherry Blossom kawa da pynman haka 18 tarik.
U Trebok Talang toh u khon ka Kong Turoi Talang wa u (L) Hamran Laloo.
Kani man ko ka sien wa nyngkong wa da chimbynta u ha ka rynsan wa heh kam kani wei nachwa da chimbynta u ha kiwi ki yakob heiwa da yoh u yei naam Mr. Traditional Attire 2022 (Inter College) wei da dep jop u leh yei naam 1st Runner Up haka Mr. Kiang Nangbah Government College 2023 ha Jowai.
Neiliang u Trebok da pynsñiaw u yei sñiawngooh nyngkong ya u Blai uwa da yahluti ya oo, da e khublei u leh yaka ka yung ka sem, ki lok ki jor, yaka Department of Political Science ka Kiang Nangbah Govt. College wa jooh lai puræ u kiwa da e kyrchaan ya oo, kamjooh leh yaka Fashion Society Shillong kiwa da pynchlur wei sikai ya oo leh wei kamjooh ya ki para wa chimbynta.
Da e khublei u leh yaka sorkar Meghalaya kawa da ye ko u pynman kam kini ki tamasa heiwa ki khynroo khyllood da yoh laad ki wow pynyoo yei sap i phong yong ki.
Chooh chooh da e khublei u leh yaka thaw kreh u, ka Meghalaya Bharat Scouts and Guides West Jaintia District Headquarters waka State Headquarters, Shillong.
Discussion about this post