Rah ya ka Mawdieja ya i naam jop ka Moodymmai Invitational Football Tournament

Jowai: Ka yakhun Final ka Moodymmai Invitational Football Tournament wa pynman da ka Moodymmai Sporting Union da pyndep ya ka ynne ka sngi hapyrdi ka Mawdieja (Sohryngkham) pyrchah ya ka Sookiru (Wahsuka).

Hadooh wa kut i por ka yalehke da kut ko 2-2 heiwa ka Sookiru da thap ko ha ka minit wa 35 wa 63 katwa ka Mawdieja won da thap ko ha ka minit wa 42 wa 68.

Kamtæ ya kiwa jop da rai da ka yachut Tie-breaker heiwa ka Mawdieja da jop ko da 4-2.

Ka Mawdieja kam kawa jop da rah ko leh ya ka songpoisa wa T. 1,50,000 katwa ka Sookiru da yoh ko T. 70,000.

Ya kani ka yalehke Final da wan sakhi da u Sniawbhalang Dhar, MLA kam u kongsan.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026