Ka 6 Shnong Wah Lukha Association haka kyrwoh wa phah da u Secretary yong ka u Daiapherbha Lamare ynne ka sngi, da pyntip ko wa u DC ka East Jaiñtia Hills da mang poisa u T. 1 klur yow pynim biang yaka wah Lukha waka wah Lunar deiwa krehlang waka Trinity Impex International heiwa kani ka poisa ka wow wan naka District Mineral Fund.
Da pyntip u leh wa kani ka poisa daw pynemkaam wow chna yaka thaw pyllang um namo ka Reservoir Dam, Sewage Treatment Plant (STP), Effluent Treatment Plant (ETP) ha Musket kawa em chaneiñ ka yingkieñ khaddoom neibynta wow yada yaka wah Lukha khnang wa ki jakhlia kiwa jooh mih na ki Cement Factory ym tooid de ki cha ka wah Lukha wei waroh ini i lut u poi i hadooh T. 2.5 Klur wei waroh i kreh u leh daka Trinity Impex International, Delhi.
Kamtæ haka yalang ka Association wa pynman haka 11 tarik uni u bnai ha Kuliang, da iwi i sur da rai wa i kwah wa i dawa yong ka waroh chi kattu yow yada yow pynim biang yaka wah Lukha da mankaam ko wei i kreh neibynta ini waroh u sdang ko ha ki tayaw wow wan, kamtæ neiliang ka Association da sñiaw ko wa ym em yurim de wow pyrchah yaka Public Hearing ka Star Cement wow man haka 30-01-20 neibhah waroh i dawa yong ki wow chna Reservoir Dam, STP, ETP wow yada yaka wah Lukha da lai ko chakhmat.
Da pynsñiaw ki leh ya i sñiawngooh wa khroo ya ki seiñ, ki chnong waroh kiwa da yahkhmat kiwa kyrchaan yow pyrchah yaka Public Hearing ka Star Cement haka 19-10-19 hadooh wa ym ye ko wow mankaam kamjooh nadooh u snem 2018 heiwa ka Association da em ko ka thong wow yada wei wow pynim biang yaka wah Lukha kamwa man ko ha ki por wa nachwa.
Also Read: Maham ka 6 Shnong Wah Lukha Association ya kiwa thied ya ka wah Lukha
Discussion about this post