Hadien wa pteiñ i ya kynaad hadooh ynnin ka sngi wei da mih ka thma siat watur hapyrdi ki Pnar wa ki Karbi ha chnong Lapangap wei da em leh i mynsoo i takha ki kattu katni ngut ki bru heiwa ki pulit ka Assam da siat ki leh hadooh 5 tylli ki Tear Gas.
Hadien ini i awri waroh, neiliang u Waheh Chnong, u Deimon Lyngdoh ynnin i miet da pyntip u wa ym hiar de ki cha hali Pynthor ha kini ki sngi wow wan.
Da ong u leh wa da rai ya ini toh hadien wa tip wa u em i yaklam hapyrdi ki ar ngut ki Montri Rangbah ka Meghalaya wa Assam u Conrad Sangma wa u Himanta Biswa Sarma wa daw man ki ha ka 30 tarik uni u bnai.
Chooh chooh da pyntip u leh wa ya i rai wa sam chaphrang heiyatoh wa ini i kaam daw chim hadien kani ka yalang ki Montri Rangbah ki ar jylla.
Discussion about this post