Jowai: Ka Dorbar Chnong Pamrakmai Shnong lyngba ka kyrwoh wa da pynlait da u Secretary chnong u T.Bn I.K. Rymbai, ka Dorbar Chnong kawa da pynman ynne ka 14 tarik heiyatoh waka Election MDC 2019 cha ka JHADC hapoh ka 20-Muthlong Sohkymphor Constituency, ka dorbar da rai ko wa ym chah ya ki kyrtong wa kiwa mihkhmat yong ki kiwa na baar chnong wow psiah chapoh chnong pohthaw neibynta wow pynbiej ya kiwa chong chnong da ka bor poisa.
Chooh chooh ka Dorbar Chnong Pamrakmai Shnong da pynche ko wa katkam i yoo yong ki lyngba ki laad pathai khubor wa da em kattæ ka Committee yong ki 10 Dorbar Chnong hapoh ka Constituency 20 Muthlong Sohkymphor kiwa da booh kyndon ya ki kyrtong deiwa chah 10 tylli ki kari neibynta ka yalap Election, tangwa neiliang ka chnong Pamrakmai Shnong ym ye ki u pdiang ya kani ka kyndon yong ka Committee wei neiliang ka chnong u pdiang ko katkam wa pynlai ki bor District lane ka Election Commission.
Kamjooh da khang ya kiwa kyrchaan yong waroh ki kyrtong kiwa wan yalap Election hapoh ka chnong Pamrakmai Shnong wym toh u noh roi ki ya ki tiar ki tar wa da dep pynemkaam kam ki plastic, ki klong wa kiwi kiwi, lada chem ya kam kini, u kyrtong hap u wow bahkhlieh ya kini kiyi kiyi waroh.
Ini u krehkaam ko nadooh ka 18-02-2019 hadooh wa dep ka Election.
Also Read: Pynbna kyndon Election MDC 2019 ka 10-Dorbar Chnong Development Committee
Discussion about this post