Ka Tpep-Pale Dorbar Chnong, Jowai kam chibynta wow pynneh pynsah ya i chongsuk chongsaaiñ wa i khooid i jngiar hapoh ka chnong ka thaw ha i por Election, da rai ko wow booh wei wow pynbna paidbah ya ki kyndon neibynta ka Election MLA 2023.
Ki kyndon man ki kamni ha wah:
U chah du 12 ngut donhi kiwa kyrchaan wa kynthup ya u kyrtong kiwa wan na baar yong ka chnong.
U chah du 3 ngut donhi wa kynthup ya u kyrtong wow yalap Election.
Ya ka yalang u pynlai da ka chnong.
Da khang pyrchah ya ki khon yong ka chnong wow yieñ rynsaan wow yalap Election hapoh ka chnong.
Da khang pyrchah wow pynriam (Decoration) lait noh du kawi ka Banner wa kawi ka lama yong ka Party.
I por yalap Election hapoh ka chnong toh nadooh 7:30 i miet wei wow pynkut katkam i por wada booh da ka sorkar.
Da khang pyrchah ya kiwon kiwon ki kari kiwa lai wa wan hapoh ka chnong wow pynheh ya ki sur Election yong ki kyrtong namo ya kiwi tawon ki jait sur wei wow ya chaad cha wah cha neiñ hapoh u pood u ang yong ka chnong.
Da khang pyrchah wow saam poisa cha kiwa chong chnong neibynta wow yoh Vote heipor Election.
Ka Dorbar Chnong Tpep-Pale, Jowai kyntu ko leh ya waroh wow sñiawbha u ya krehlang wa ka chnong deiwa bood ryntih ya ki kyndon kiwa da booh da ka chnong khnang wa i thmu yong ka chnong wow wanrah ya i chongsuk chongsaiñ hapoh ka chnong u man i iwa jop.
Kiwon kiwon kiwa leh pyrchah ya kini ki kyndon, ka dorbar chnong ym yohsa ko u pynchitom ya ki katkam ki aiñ chnong wei wow e kti ya kiwa leh pyrchah cha ki bor yong ka aiñ sorkar.
