Rai Ka Dorbar Ki Waheh Kur Ri Jaiñtia wow dawa na ka JHADC wow pynsmat noh yei tipmit ya ki kur katkam ka aiñ

Ka Dorbar Ki Waheh Kur Ri Jaiñtia ynne da pynman ko ya ka yalang ha yungwalieh ka Chilliangraij deiwa khut lang ya ki President, ki Chairman, ki General Secretary, kiwa kitkaam yong ki Dorbar, ki Seiñ Kur wa kiwi kiwi de. 

Ha kani ka yalang da rai wow kyrpaad ya u CEM ka JHADC wow tipmit da ka aiñ ya ki kur ki jait deilang kiwa kitkaam kur wa da chim na ka bei hapoh ka 6th Schedule katkam ka riti krehkaam ka ri India kiwa dadep wow pynpsiah yei pyrtuid ki lyngba ka Secretary ka Executive Committee ka JHADC katkam wa da booh por ka EC.

Da rai leh wa wow dawa ya ka EC ka JHADC wow pynsmat u tipmit ya ki kur wa ki Seiñ Kur, ki Dorbar Kur deilang wa kiwa kitkaam wei wow phah smat yeini cha ki yung krehkaam ki Deputy Commissioner ka East wa West Jaiñtia Hills District yow ye ki u e Schedule Tribe Certificate du ya ki kur kiwa da tipmit da ka aiñ lyngba ka JHADC. Khamtam ya kiwa him ya ka kur ka jait na ka bei.

Chooh chooh ki DC toh leh u phah him ki ya ka NOC na ki waheh kur kiwa da tipmit da ka aiñ wa kynthup ya kitu ki manbei kiwa yoh kurim da ki wym toh kiwa man kam kiwa em hapoh ka Bri U Ynñiawtrep kiwa paan ST Certificate ya ki khon yong ki.

Related posts

Yieñ skem ka KSU wa kiwa chong chnong yow pyrchah ya ka Shree Cement hadooh wa jop

November 8, 2026

E u heh spah mar Rs.1 lak cha ki 20 ngut kiwa chong dukan wa oo neibynta ka Diwali

November 8, 2026

Neitæ da kyrpaad ya u CEM ka JHADC wow e laad ya ki kur ki wym pu dep u pynpsiah ya ki kur yong ki hapoh ka JHADC.

Iwa khaddooh toh yow kyrpaad ya u CEM ka JHADC wow tipmit du ya ki Jaiñtia/Pnar, ki War wa ki Khasi donhi wa em ha u pood krehkaam ka JHADC yow kyrpaad u ya u Chief Minister ka sorkar Meghalaya wow thoh cha u Prime Minister ka ri India, yow tipmit du ya ki jaitbru Khasi, Jaiñtia wa ki Garo donhi kam ki tre ri tre muluk wow yoh ST kiwa em hok ha ka sorkar Meghalaya katkam ka aiñ Schedule Tribe.