Jowai: Ynne ka sngi ha ka yalang wa da man ha ka yung krehkaam u Deputy Commissioner ka East Jaiñtia Hills heiyatoh wow wai ya ki yaw wa chisien chi tayaw neiliang ka Elaka Rymbai da kyntu ko ya ki bor District wow pynsangeh namo wow khang chooh chwa chipor ya kani ka kaam (wow sdang biang ya ki yaw wa chisien chi tayaaw).
Neiliang u Acting Dolloi ka Elaka, u Lambert Swer da ong u wa da rai wow pynsangeh chwa wow wai ya ka yaw wa chisien chi tayaw wa jooh man ha ka sngi Pynsiñ ha ka chnong Rymbai neidaw wa joor ware i poor u khñiang khlam COVID-19 ha kylleiñ ki thaw.
Kani ka rai ka Elaka u krehkaam ko hadooh wa da pynbait deiwi tawon manda chah i kaam wei manda sdang duna i em uni u khñiang.
Kani man ko katkam ka Wyrta na u Dolloi ka Elaka, u Lambert Swer.
