New Delhi: U montri ka sorkar pyrdi, u Rajnath Singh da khut yalang u ya ka High Level Committee (HLC) ha sorkarbah New Delhi hajrong ka Central Assistance cha ki jylla wa chah ktah ha ki bor ka rymaw nadooh i chlai um, i oor khyndaw, ka la-ær yong wa kiwi kiwi kam ka Assam, ka Himachal Pradesh, Sikkim, Lakshadweep wa Rajasthan.
Ka HLC da rai ko wow e yarap T. 480.87 klur cha ka Assam. Ka HLC leh da rai ko wow e yarap na ka NDRF T. 84.60 klur cha ka Himachal Pradesh, T 67.40 klur cha ka Sikkim, T. 2.16 klur cha ka Union Territory ka Lakshadweep T. 526.14 klur cha Rajasthan.
Waroh ka poisa wa da rai wow pyllait da kynjoh ko T. 1,161.17 Klur.
Kiwi kiwa da em ha kani ka yalang kynthup ki ya u Montri ka sorkar pyrdi wa pait ya ka tnat Agriculture, u Radha Mohan Singh, u Home Secretary u Rajiv Gauba, u Union Secretary, Department of Expenditure u Ajay Narayan Jha wa ki heh na ka Ministry of Home Affairs, Finance & Agriculture wa ka NITI Aayog leh da emlang ki ha kani ka yalang.
Discussion about this post