Rai ka JHADC wow phah ya i pynkylla ya ka aiñ Waheh Chnong cha ka Select Committee

U CEM ka JHADC, u Thombor Shiwat ynne ka sngi da wanrah u ya i thmu wow pynkylla ya ka aiñ Waheh Chnong kawa tip kam ka Jaiñtia Hills Autonomous District (Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong) (Amendment) Bill 2026.

Hadien wa mih i pyrchah na ki MDC kam u Andrew Chullai, u Jamshaphrang Pohtam, u Rikut Pareiñ, u MB Rymbai kiwa na ka Liang Pyrchah wa u Reforming Son Lamare na ka Liang Synchaar, ka Council da rai ko wow phah ya kani ka aiñ cha ka Select Committee.

U Thombor hawa e i klam da ong u wa ini i kaam man iwa jhan wei ymtoh wa thmu wow lehbor kamtæ da thung noh ya ka Select Committee.

Related posts

Chah ieh iwi i khonboo wa dang dep kha ha ka Gate ka Ganesh Das Hospital

April 8, 2026

Kyntu u Kyrmen Shylla wow chah u tih mooyong kam nachwa deiwa pynkylla ya ka SOP

April 8, 2026

Ya ka Select Committee u khlieh da u Thombor Shiwat, chirup wa ki dkhot kam u Lasky Rymbai, Moonlight Pariat wa u Medling M Swer na ka Liang Synchaar, u Andrew Shullai, MB Rymbai wa u Jamshaphrang Pohtam na ka Liang Pyrchah.

Ka Secretary ka Executive Committee u man ko ka Member Secretary heiwa da rai wow thooh ya ki bru chemphang wei wow thung ya kiwi ki dkhot lada emkaam.