Jowai: Ki wakreh ka JHADC hapoh ka satri yong ka Jaiñtia Hills Autonomous District Council Staff Association (JHADCSA), kam ka dak wow burom ya ka Dorbar Lyur yong ka Council ka wow man ha ka 28 tarik uni u bnai, ynne ka sngi hadien wa chong pyrkhat da chim ki ya ka rai wow sangeh chwa ya i yakhih sangeh lai kreh nadooh ynne ka sngi.
Ya ini i rai da chim hajrong ka yurim wa ki kwah ki ya ka dorbar ka Council u man ko kawa lai bait lai ryntih, tangwa hadien wa dep ka dorbar daw chong pyrkhat biang ki, da ong u President ka Jaiñtia Hills Autonomous District Council Staff Association u Johnson Pohrmen.
Kam wow pynkynmoo, i sangeh lai kreh ki wakreh ka JHADC da sdang ko nadooh ka 16 tarik uni u bnai neidaw wa ym yoh tulop ki la kamwa 8 bnai, iwa da wanrah yei eh i khoo ya iwa emkaam yong ki wa man-ka-sngi ha yung ha sem.
