Jowai: Ka seiñ JSM-ER ynne ka sngi da ong ko wa da dep yang ko ya ka Jaiñtia Hills Autonomous District Council (JHADC) wow leh yeiwa emkaam ha ka sngi Yaaw Pyngkat kawa man leh ka sngi yaaw ha Khliehriat tangwa hadooh ynne ka sngi neiliang ka Council ym em mano ko yei dawa ka seiñ, da ong u President ka seiñ u Shnalad Rymbai.
Katwa kamtæ ka seiñ da rai ko wow leh noh dei bor yong ka kam ka ka seiñ wa pait yei bha i miat ki paidbah ka ri-loom Jaiñtia khamtam hapoh East Jaiñtia Hills.
Kam wow pynkynmoo heini ka seiñ ha kini ki bnai wa dadep da dawa ko na ka Council wow khang ya ki baar jylla wow wan chong yaaw ki hapoh kani ka yaaw ha ka sngi Pyngkat.
Ka seiñ da ong ko wa daw hiar ko wow khnang noh ya ki baar jylla wow wan chong dai ki ha kani ka yaaw Khliehriat ha kani ka sngi yaaw kam wow wailaad ya ki tre jylla wow yohlaad ki wow chong dai hapoh kani ka yaaw.
Discussion about this post