Rai ka KHADC wa ka SNSBH wow kyntait ya ka rai wa ka sorkar warim ka jylla

Shillong: Ka yalang yong ki MDC ka KHADC wa kiwa synchaar chnong hapoh ka lama yong ka Synjuk ki Nongsynshar Shnong ka Bri Hynniewtrep (SNSBH) kawa da man ynne ka sngi, da chim ya ka rai wow sdang noh u yaklam thymme hajrong i tia pood ka MUDA deiwa pyndam noh ya ka rai wa man yong ka wa ka sorkar MUA-II kawa dadep kawa da man ha ka 14 Kmaichonglad 2017.

Ya kani ka rai da chim chi sngi chwa wa kini ki ar liang u yachem ki ya u montri rangbah ka jylla, u Conrad K Sangma ka wow man mynstep ka sngi.

Hawa yaklam wa kiwa pathai khubor neiliang u CEM ka KHADC, u Pynshngain N Syiem, da ong u wa kini ki ar liang da yaklam yillu bha ki chwa wow chim ya ka rai wow kyntait noh ya ka rai yong ka sorkar warim hajrong ka yurim, wa da em ka sorkar thymme, ka Meghalaya Democratic Alliance (MDA) wa da yahkhmat da ka NPP wei waroh toh u man ki kiwa thymme hajong i yaklam hajrong ka MUDA.

Nachwa, kini ki ar liang da rai ki wa ka KHADC daw chna ko ya ka Committee khnang wow ye u pynkrehkaam da ka Building Bylaws yong ka KHADC ha ki thaw ki wym haap hapoh ka Municipal.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Da ong wa kani ka rai kawa da pdiang nadooh ka sorkar, ka KHADC wa kiwa synchaar chnong toh katkam ka kyndon yong ka Meghalaya Town and Country Planning Act, 1973.

Ha kani ka yalang da yaklam leh chaphang ya ka Village Administration Bill (VAB), ka KHADC daw ieh chwa ko ha ka Committee wa da chna wow bichaar bniah chwa, wei daw yaklam biang yeini ha iwi tawon i por.