Shillong: Ka Executive Committee wa yahkhmat da ka NPP hapoh ka lama synrop Khasi Hills Demoratic Alliance (KHDA) ha Khasi Hills Autonomous District Council (KHADC) da rai ko wow thoh cha ka sorkar India wow pyndooh noh ya ka Grand Council of Chief (GCC) kawa yahkhmat da u John F Kharshiing.
U CEM ka KHADC, u Hispreaching Son Shylla da ong u wa ka Executive Committee da rai ko wa waroh ki khlieh synchaar ymye de ki wow em hapoh ka Grand Council neibhah wa man ko du ka buit wow myntoi uwi u bru, u John F Kharshiing.
Da kylli u wa kammon u John klam u kam u khlieh kiwa synchaar du wow pynku kyrdan pyn ya oo hi samen.
“Daw thoh noh i cha ka sorkar pyrdi wa kani toh ka seiñ u bru samen wei ymtoh yong ki khlieh synchaar neibhah wa ki haap ki hapoh ka District Council, wei ymye u wow pynemkaam ya i pyrtuid ka Federation of Khasi States,” da ong u Shylla.
U CEM da ong u leh wa ki khlieh synchaar ymye ki wow man dkhot ha ka Grand Council, neibhah wa em ka District Council.
Discussion about this post