Kam chibynta wow khoom u kdoh yei poor ka khlam COVID-19, ka chnong Sohphoh, Thadlaskein Block kawa haap hapoh ka West Jaiñtia Hills District, da chim ko ya ka rai wow khang chwa chipor ya ki bru wa na baar chnong wow psiah wow mih chapoh ka chnong kat hadooh wa pynbait deiwi tawon.
Ka chnong da ong ko wa ini i rai ym ktah i ya ki bru wa lai da ki kari lyngba u sarok PWD na ka chnong wa ki warep na ki jan chnong wei ki kari wa lai luti na ka chnong ymtoh u sangeh ki ha chiteiñ luti.
Chooh chooh da kyntu leh ya waroh kiwa yah kari kamai Tourist wa Local Taxi, wow chim ya i tika yada na u COVID-19 wei lada em kiwon kiwon kiwa kamai kari kiwa ympu yoh tika ymtoh u kit bru ki neibhah ini booh i hei maa ya kiwa chong chnong deiwa kyntu leh ya waroh kiwa sikai ha ki 4 tylli ki skur wow chim ki ya i tika.
Heijooh i por da kyntu leh ya waroh kiwa chong chnong wow bood ya ki kyndon wa da booh ka sorkar deiwa kyntu leh ya ki bru wa lada emkaam ki wow mih u psiah chapoh ka chnong na ki daw kiwa ymye wow kiar ye wow leh yeini deiwa pyntip chwa cha ki bor ka chnong.
