Ka sorkar Assam ynne da rai ko wow thang ya ki 2,479 tylli ki reiñ kyndad (Rhino) ya kiwa da yoh kem wei kiwa da chim na kiwa da yap na ki National Park wa ki Wildlife Sanctuary nadooh u snem 1979 hadooh katni ha ki 12 District.
Neiliang u Montri Rangbah ka jylla, u Himanta Biswa Sarma da ong u wa katkam wa man katni em 2,623 tylli kini ki reiñ wei na kini 2,479 tylli daw thang noh ya ki, 94 tylli wow pynyoo rong namo Exhibition katwa 50 tylli won toh kiwa em hapyrdi ki mukotduma ha ki yung kasari.
Katkam wa man, ki bru da ngait ki wa ki reiñ kyndad man dawai ki wei da em yaw bha ki kam cha ka ri China, Vietnam wa kiwi kiwi wei chondor ki da ki hajar Dollar ha kini ki ri wei ini da wanrah i yei chah tynyap khiar kini ki mrad du neibynta ki reiñ yong ki.
Ya ka jylla Assam da tip kam i thaw wa em boon dooh ki kyndad wa chi reiñ (One-horned Rhinos) heiwa da em hadooh kamwa 2,650 tylli ki kyndad hapoh ka jylla.
Ya ki kyndad da em ki ha ka thup Schedule 1 yong ka Wildlife (Protection) Act, 1972 kiwa man ki mrad wa em hei maa neidaw wa joor i khayi tooh ya ki reiñ yong ki.
