Ka Dhab ki Montri (Cabinet) yong ka sorkar jylla, da rai ko wow pynku dor noh ya i kiad pharæng (IMFL) deiwa wanrah yei kylla ha ka dan wow kyntu ya ka yarong poisa ka jylla.
Hawa yaklam wa kiwa pathai khubor, u Montri Rangbah ka jylla, u Conrad K Sangma da ong u wa ka sorkar da rai ko wow pynku dor ya ka dan yong ki kattu katni jait ki kiad Indian Made Foreign Liquor (IMFL), wei neini chaphrang daw rap sy’at dor noh i kiad.
Da ong u wa ha kiwi ki jylla dadep pynku ki yei dor wei neiliang ka sorkar leh da sñiaw yahap ko wow pynku dor noh khnang wow yoh poisa.
Hawa kylli, da ong u wa ini i pynku dor daw yarap pynku ko ya ka yarong dan ka jylla nei kiad da T. 25 klur ha ka chi snem.
U Montri Rangbah da ong u leh wa i pynku dor ya i kiad IMFL chong i ha i jait kiad, wei i dor u ku i nadooh 3-4% hadooh 8-9%.
