U Montri Rangbah ka jylla, u Conrad K Sangma ynne ka sngi da pyntip u wa ha ka yalang wa u montri ki kaam pohyung ka sorkar pyrdi, u Amit Shah wa ki Montri Rangbah ka thaaiñ mihsngi, da rai wow lai chaphrang wow pynbait noh ya u pood u ang.
Da pyntip u wa neiliang ka sorkar da rai ko wow chna ya 3 tylli ki Regional Committee wa kynthup kawi ha West Khasi Hills, ha Ri-Bhoi District wa kawi wa kynthup ya ka East wa West Jaiñtia Hills.
Da ong u leh wa ya kini ki Committee daw khlieh da uwi na ki Montri ka sorkar wei u emlang leh ki MLA yong ka thaaiñ wa kiwi kiwa embynta ha ki kaam khappood, wei da pyntip leh wa ki dkhot ka Committee daw lai pait ki ya ki thaw khappood khnang wow phah ki ya ka bui chajrong yei man i long ha khappood .
U Conrad da pyntip u leh wa hadien wa da yoh ya ki bui wei da lai ki kaam waroh, neiliang yong oo leh daw yaklam u ha ki kyrdan waphær waphær heiwa daw chna ya ka State Level Committee ka wow kynthup ya waroh kiwa embynta wei kamjooh leh ki seiñ saiñ pyrthai kiwa em ha ka jylla.
