Ka sorkar pyrdi da pdiang ko yei tyrwa wow e yarap poisa (Ex-gratia monetary compensation) cha ki 1,08,714 ngut ki sahep wa ki wakreh ka Food Corporation of India (FCI) kamjooh leh ki 80,000 ngut ki bru wa khih mylla 24 kynta wow pynbiang ya ki mar baam kam heini i por wa krehkaam ka Lockdown.
Katkam wa man katni kiwa hayung ki bru wakreh ha ka FCI yoh yarap poisa ki lada jia wa yap nei kaam ki damok kieñ suloi (terrorist attack), pdung bomb, i chah dat yonglang (mob attack) namo kiwon kiwon ki jia wym poi pyrkhat ha ki bor ka rymaw (natural disaster), katwa ki Regular and Contractual Labour ka FCI ym em u kynthup ya ki ha kini ki kyndon. Katwa kamtæ ka sorkar da rai ko wow e yarap poisa cha waroh ki wakreh wa kiwa khih mylla sngi ka FCI kiwa kreh khlem sangeh hanlada em ka khlam u COVID-19.
Hapoh kini ki kyndon ha ki 6 bnai nadooh ka 24 Wisu, 2020 hadooh 23 Naikhynde, 2020 lada em wa yap na u COVID-19 heipor wa dang kreh ki ha ka FCI, kiwa mylla wa kreh pura (Regular) ka FCI u yoh yarap ki T. 15 lak, ki wakreh mylla chipor (Contractual Labour) u yoh ki T. 10 lak, ki sahep Category-1 Officers T. 35 lak, Category-2 – T. 30 lak katwa ka Category -3 & 4 Workers won T. 25 lak.
Hawa pynbna yeini u Union Minister for Consumer Affairs, Food and Public Distribution, u Ram Vilas Paswan da ong u wa ka sorkar u yarap ko katwa ye wow yada ya kini ki wakreh kam ha kini ki por.
Discussion about this post