Ka sorkar Meghalaya ynne hadien ka yalang ki Montri da rai ko wow pyndep noh ya ka luti wow pynkhreh noh yow chna 3 tylli ki Medical College ha Meghalaya ki wow em ha Shillong, Tura wa ha Ri-Bhoi District wei yow leh yeini da dep thung ya ka Committee wei i kaam ko toh wow pynkhreh kammon u leh yow ye u chna wei pynkrehkaam ya kini ki College.
Neibynta ka Shillong Medical College, ka Health Department dang thooh laad ko kammon wow pynemkaam ya ka Civil Hospital Shillong, ka Ganesh Das Hospital wa ki bru kini ki thaw sumaar khamtam ki Specialist Doctor ki man syndon kam kiwa sikai.
Neiliabynta ka Tura Medical College won toh iwa da em i pynkhreh wei daw chim ya ka rai wa khaddooh kammon wow pynkrehkaam kamjooh kiwa sikai deiwa pynemkaam da ka PPP Model iwa mut deiwa ya krehlang wa kiwi ki thaw sumaar yow ye u sdang ya kani ka Medical College.
Ya ka PA Sangma International Medical College ha Ri-Bhoi District won toh iwa daw leh dei bor samen ka USTM Meghalaya wei daw yoh myntoi kiwa lai puræ ka jylla hei dor wa duna wow lai puræ heiwa ka sorkar u e yarap ko deiwa yoh myntoilang waroh arliang kam hei dur ka ram.
Ka sorkar da chim ko leh ya ka rai wow pynman noh ya ka Medical Services Recruitment Board (MMSRB) kam ka chnat wa pura ka sorkar ka wow kitkhlieh yei thung kreh Doctor nadooh ki Allopathy Doctor, AYUSH, Dental Surgeon deilang wa ki Nurse.
Discussion about this post