Ki Montri ka sorkar jylla ynne da chong yalang ki heiwa da rai wow pynheh wei wow pynku kyrdan ya ki Secondary School hapoh jylla khnang wow man salonsar i rukom lai Class ki khynnah katkam ki Stream wa kwah ki khamtam ha ki skur sorkar.
U Montri ka sorkar, u Paul Lyngdoh da ong u wa emkaam wow e yei stat i tip wa paka ya ki khynnah wei katkam wa man katni duna hadooh 12,000 tylli ki Seat wei i em ki Higher Secondary School boon ki ha ki thaw sor.
Wow pyndap yeiwa duna da rai ka sorkar wow pynku kyrdan ya ki 6 tylli ki Secondary School cha ka Higher Secondary.
Kini kynthup ki ya kini ha wah:
Rymbai Secondary School, East Jaintia Hills
Umthlong Nongkhliew (wow em Arts wa Science Stream)
Nongtalang Secondary School
Tirot Sing Memorial Secondary School
Tura Public School
Jowai Public School
Deiwa pynku kyrdan ya kini ki skur daw ye u pynboon ya ki seat da 9,000 tylli.
Ka sorkar da rai ko leh wow sdang ya ki Stream thymme ha ki kattu katni ki Higher Secondary School wow pyndap yeiwa emkaam wei kitæ man ki kamni ha wah.
Ka Science Stream ha:
Tirot Sing Memorial Higher Secondary School, Nongkhlaw
Commerce Stream ha:
Government Boys Higher Secondary School, Tura
Dalu Secondary School, West Garo Hills
Baghmara Higher Secondary School
Government Boys Higher Secondary School, Jowai
Sohkha Higher Secondary School
Kini ki skur haneiñ toh kiwa em Arts wa Science Stream wei ki wow sdang noh sa ya ka Commerce Stream.
Kiwa ym em Arts Stream, u sdang noh ya ka kam ha:
Jirang Higher Secondary School
Resubelpara Higher Secondary School
Maharam Higher Secondary School, Mawkyrawat
Chooh chooh daw sdang ya ka Science wa Commerce Stream ha kini ki skur ha wah:
United Kharkutta Higher Secondary School, North Garo Hills
Malangkona Higher Secondary School
Ha waroh em 6 tylli ki Secondary School ya ki wow pynku kyrdan wa ki 11 tylli ki Higher Secondary School u yoh sSream thymme ki.
I lut neibynta ini daw kynjoh i cha ka Rs 10 klur chi snem wei ka sorkar ngait skem ko wa daw myntoi bha ki khynnah neini.
Discussion about this post