Ka sorkar India da rai ko wow pynkylla yei pyrtuid ka “Institute for Defence Studies and Analyses” (IDSA) wei kattu u tip noh ya ka kam ka “Manohar Parrikar Institute for Defence Studies and Analyses”.
Ya ini da leh kam ka dak wow warom wei wow pynsahnaam ya u (T) Manohar Parrikar uwa jooh man kam u montri yada ri ka India.
U Manohar da man u kam u montri yada ri nadooh ka 9 Khonchonglad 2014 – 14 Wisu 2017 wei da ksoh u ya kani ka chuki heipor wa jia i chah hiar thma ha ki damok kieñ suloi ha Pathankot wa Uri.
Heipor wa man u kam u montri da pynkrehkaam noh leh ya ka One Rank One Pension (OROP) yong ki chipai.
Ka IDSA em ko hapoh i pait ka chnat yada ri namo ka Ministry of Defence, wei da Register ya ka kam ka Society ha New Delhi ha u 1965.
Ha ka IDSA da pynman ya ki yakob yañia hajrong ki phang yada ri, da pynman leh ya ki Conference wa ha rukom wa kiwi kiwi.
Discussion about this post