Ka Union Cabinet, wa chongknor da u montri rangbahdooh ka ri, u Narendra Modi da rai ko wow seiñ ya ka Twenty-second Law Commission of India ka wow kreh neibynta 3 snem.
Lyngba kani ka Commission ka sorkar daw myntoi ko na ki buit wa tyrwa ko khamtam wa yatoh wa ki aiñ kamwa da ekti da ka sorkar wow pyrkhat ka Commission.
Ka Law Commission u chong pyrkhat wei u puræ ko ya ki aiñ wa krehkaam ha India kamjooh leh wow pyrkhat kiyi ki aiñ wa thymme wa emkaam u wanrah.
Daw pyrkhat ko leh kammon u pynsmat ya i rukom bichaar ya ki mukotduma wow pynduna yei sah ki wei wow pynduna yei lut hawa yakhun ya ki mukotduma.
Ka Commission daw pyrkhat ko leh ya ki aiñ ki wym emkaam de wei wow tynyap noh mo wow pynkylla ya ki lada emkaam.
Ye ko leh wow pyrkhat ya ki aiñ wa paan yarap da kiwi ki ri lada phah ka Ministry of Law and Justice (Department of Legal Affairs).
Chwa wow pynsñiaw ya ki rai wa da pyrkhat ka Commission, daw yaphyllu leh ya ki wa ka Ministry.
Ya ka Commission da sdang nyngkong ha u 1955 neibynta le snem chi samoi wei ka 21st Law Commission of India da krehkaam ko hadooh 31 Naisaphra 2018.
Kani ka Commission wa 22 u kynthup ko ya kini hawah:
- Chairperson
- Soo ngut ki dkhot (wa kynthup ya u Member-Secretary)
- Secretary, Department of Legal Affairs kam u Ex-officio Member
- Secretary, Legislative Department kam u Ex officio Member
- Ym palat ya san ngut ki Part-time Members.
Discussion about this post