Rai ka sorkar wow thung kreh chipor ya u W Khyllep kam u heh sahep ka chnat aiñ

Shillong: Ka sorkar Meghalaya ynne ka sngi da rai ko wow thung kreh biang chipor (Contract) ya u Wilfred Khyllep uwa man u IAS (Rtd), wei uwa dang chong ngiah wot kam u Commissioner & Secretary ka Law Department ka jylla.

Hawa pyntip yeini hadien ka yalang ka dhab u montri, neiliang u Symbood Montri Rangbah ka Meghalaya, u Prestone Tynsong da ong u wa ka sorkar da chim ko ya kani ka rai wow pynkhlan ya ka Law Department neibhah wa ya kani ka chuki ympu em wa ye u pyndap ya ka.

Da pyntip u leh wa i thung ya u Khyllep kam u heh sahep ka chnat toh neibynta 6 bnai wei ka sorkar daw pyrkhat biang ko lada emkaam wow pynyinsur chooh yei kreh u.