Rai khaddooh kiwa sikai SSA wow pdiang ya ka pynku tulop ka sorkar ya ki

Shillong : Ka yalang yong kiwa sikai skur SSA da pynman ya ka ynnin ka 16 tarik ha Khasi National Dorbar Hall, Mawkhar yow pyrkhat lada u pdiang næ kyntait ya ka tulop wa da pynku ka sorkar ya ki.

Katkam ka hukum ka sorkar kiwa sikai kiwa dadep ya ki puræ wei kiwa da chah hikai (trained) kamwa da booh ha ki kyndon ka Right to Education (RTE) Act wa ka National Council for Teacher’s Education (NCTE) u pynku ya ki hadooh 107 % iwa mut ya kiwa sikai LP u man ko T. 19,044 katwa kiwa sikai UP won u yoh ko T. 20, 493.

Katwa kiwa sikai wympu chah hikai u pynku ya ka tulop ki da 44.95 % wa 45.38 % ya kiwa sikai UP iwa mut T. 13, 335 ya kiwa sikai LP wa T. 14, 392 ya kiwa sikai UP.

U Aristotle C Rymbai u president ka MSSASA-Central Body da pyntip u wa da pdiang ki ya ka hukum wa pynmih da u Commissioner Secretary Education u D.P. Wahlang wei kamjooh leh kiwa sikai SSA da rai ki leh wow dawa na ka sorkar wow phah noh ya waroh kiwa sikai ki wym pyndep yow pyndep noh ki ya ka D.El.Ed Course. Heijooh i por leh da paan na ka sorkar wow pynbiang ko ya ki thaw puræ hapoh ka jylla kiwa e ya kani ka Course.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da dawa leh na ka sorkar toh u pynku leh ya ki tulop kiwa sikai SSA kiwa ympu em pyndep ya ki training ha waroh ki LP wa UP skur nadooh u snem thymme.

Yeini da dawa neibhah kiwa sikai SSA toh 85% ki wym pu dep training wei da chakri ki ym duna ya ka 10 snem.

Ya kiwa ym pu dep ya ka training toh u pynku tulop cha ka T. 18,000 ya kiwa sikai LP School wa T. 19,000 ya kiwa sikai UP School.