I ya-awri wei i kynaad hapyrdi ki chipai ka India wa China iwa da neh da ki bnai kattu, neiliang ki heh sorkar wa ki heh chipai ki ar ri da yaklam ki dei langær wow wanrah biang yei chongsuk ha khappood ki ar ri.
Ynnin ka 12 tarik kawa man ka yalang wa 7 hapyrdi ki heh chipa namo ka Senior Commanders Meeting da pynman ya ka ha Chushul, Ladakh.
Ki ar liang da yaklam yillu ki khnang wow wanrah biang yei suk hapyrdi ki ar chipai ha Line of Actual Control (LAC) ha u pood ki ar ri.
Ha kani ka yalang da man ko kawa miat neibhah wa ki ar liang da pynsñiaw ki yei ngait skem wow ye u wanrah biang yei chongsuk wei da rai leh wow pteiñ i yaklam yasuk hapyrdi ki chipai wa ki khlieh sorkar wei kamjooh leh u em i yasñiawthooh hapyrdi yong ki.
Chooh chooh da rai leh wow bood ya i yasñiawthooh yumut hapyrdi ki khlieh ki ar ri wei ymtoh wow pynkylla yei kajia pood cha i awri wei kamjooh leh wow wanrah wow pynneh yei chongsuk hapyrdi ki ar ri.
