Rai ki le District Council wow pyrchahlang ya ka UCC

Ki le tylli ki Autonomous District Council (ADC) wa kynthup ya ka Khasi Hills, Jaiñtia Hills wa ka Garo Hills da chim ki yei rai wow phahlang iwi donhi i thoh cha ka 22^nd Law Commission yow pynsñiaw i pyrchah yei thmu yong ka sorkar India wow wanrah ya kawi don ka aiñ ka wow pait nadooh i chongkha chongman, i hiar pateiñ wa kiwi ka ka wow tip kam ka Uniform Civil Code (UCC).

Ki le tylli ki District Council da yachem ki ynne ka sngi ha KHADC yow chim ya kani ka rai, wei katkam wa khana u CEM ka KHADC, u Pynïaid Singh Syiem ya ini i thoh daw phah noh mynstep ka sngi cha ka Law Commission.

U Pynïaid da ong u wa waroh le tylli ki District Council kiwa em ha ka jylla da chim ki ya ka rai wow pyrchah bait ya ka UCC deiwa phah dei thoh cha ka Law Commission wei najrong kani daw phah leh ya ki daw wa ki yurim wa pyrchah ki ya ini i thmu.

Neiliang u Chairman ka GHADC, u R.K. Sangma da ong u wa ka GHADC leh ka pyrchah joor ko ya ini i thmu wow pynkrehkaam ya ka UCC ha kani ka jylla. Da khana u wa neiliang ka Council da lum ko boon tylli ki yalang wa ki seiñ waphær waphær nadooh ki Nokma, ki seiñbhalang wa ki bru waheh kiwa em ha Garo Hills wei ha kini ki yalang da rai wow pyrchah bait ya ka UCC.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U CEM ka JHADC da ong u wa i pynsñiaw yei pyrchah cha ka Law Commission man ko katkam ki yurim wa daw ktah ko ya ka dustur riti wei deiwa phah yei thoh ryngkat wei eh wa daw mih ha ka jylla lada pynkrehkaam ya ka UCC, wei lada ka ka jylla ye ko wow chah pynlait nei pynkrehkaam ya kani ka aiñ kawa da thmu wow wanrah.