Ki le tylli ki seiñbhalang na ri-loom Jaiñtia, ka Jaiñtia Student Movement (JSM), Meghalaya People United Front (MPUF) Khliehriat Circle) waka East Jaiñtia National Council (EJNC), ha ka yalang yong ki wa da man ynne ka sngi, da iwi i sur rai ki wow chong chah thngan ha kani ka 11 wa 12 tarik, lada ka sorkar ym e jubab ko ha kini ki kajiak sngi wow wan.
Kiwa yahkhmat yong kini ki le seiñ hawa klam wa kiwa thoh khubor, neilaing u Shnalad Rymbai uwa man leh u President yong ka JSM-ER, da ong u ka sorkar toh u e ko i jubab, kam ka seiñ da dawa ko u khang yei wan u mooyong na Assam, tangwa ka sorkar ym ap ko yeini i dawa ka seiñ, katkam wa man, ha kini ki kajiak sngi wada dep da em biang wa yoh COVID-19 ha Assam, tangwa ka sorkar ym em u sñiaw tieñ ko yeini i jia, da pdiang bait ko ya uni u mooyong.
Da ong u leh kani ka sorkar pyrkhat ko du yei myntoi samen donhi yong ka, ym em u pyrkhat ko yei eh i khoo yong u paidbah ka jylla Meghalaya, khamtam yaki nong East Jaiñtia Hill hi waroh ka wi, wei lada ym ye ka sorkar wow e jubab ka seoñ u leh ko yeiwa emkaam.
U Khyrshan Blah, u President ka MPUF-Khliehriat Circle, da kylli u yaka sorkar wa ileh nood ko wow pdiang tang wow dap wow biang samen i yong ka, ileh wym pyrkhat ko neibynta i bha i miat yong ki paidbah, da ong u leh lada ka sorkar ym jubab ko, neiliang yong ka seiñ daw yaleh ko deiwa eh waka sorkar, wei ym phær lada ka sorkar pynngat ko haki aiñ waphær waphær ki yong ka, neiliang ka seiñ ym kynran dien ko lada man katwa man leh la yap næ im, pynkut u Blah.
Discussion about this post