Ampati: Da ki spah ngut ki khynnah skur, ki wa sikai, ki sahep sorkar da mih yonglang ki wow lai paidbah yow e wyrta yei ma wa mih na i dih ya ki mar pynmuaid wa boon jait ha Ampati ynne ka sngi.
Kani ka pynsñiawthooh paidbah toh kawa da yahkhmat da ka tnat District Social Welfare Officer, Ampati, wei man ko leh kawa pteiñ nadooh u Naiynru ha ka district South West Garo Hills kam chibynta ka International Day Against Drug Abuse & Illicit Trafficking.
Kiwa chimbynta da lai kjat ki na kiwa boon ki bynta ka Ampati deilang wa ki placard wa em ki kyntien snieñ nadooh ya kiwa dih drugs kamjooh ya kiwa dai drugs. Kani ka lai kjat da kut ko ha Multi-facility Centre, Ampati, heiwa da pynman ya ka yalang wa tbian wa pyllai da ka Extra Assistant Commissioner, Ampati, ka D.A. Sangma kawa man leh kam ka kongsan.
Hei klam yong ka da ong ko wa i boon ki bru wa dih drugs dang ku ki katwa dang lai ki sngi kamjooh leh kiwa dih kiad khamtam ha ki khynroo. Da ong ko leh wa kani ka International Day Against Drug Abuse & Illicit Trafficking toh kawa da kynmoo ya ka du chisien chisnem kamtæ da e buit ko wa ha ki skur man ka ar tayaw toh u pyllait ki por wow yaklam chaphang i dih drugs kamjooh yow chem ya kiwa dih drugs neipor wa sdang ki neibhah suk u yarap ya ki u dam ki kam ha kini ki por ym toh manda joor ka kyrni ka drugs.
Ha kani ka sngi da saam leh ya ki khusnaam cha kiwa jop ha ka “Slogan Writing Competition” kawa pynman ha ka chi tarik uni u bnai heiwa ka St. Claret Secondary School da yoh nyngkong ki wei wa ar katwa ka Ampati Govt. Higher Secondary School da yoh wa le ko.
Discussion about this post