Rai kiwa sikai wow dam u leh ya ka exam D.El.Ed yong ka NIOS deiwa pynman da ka chong kyllaiñ myngor wa i rah lama yong

Jowai: Kiwa sikai ha ka kyrdan Elementary nadooh Class I hadooh Class VIII kiwa yaleh ya ka Professional Training Course wa tip kam ka Diploma in Elementary Education yong ka 1st batch (2013) wa pyllai da ka National Institute of Open Schooling (NIOS) kawa da kyrchaan poisa da ka sorkar jylla lyngba ka Scheme SSA kiwa kynthup nadooh kiwa sikai skur sorkar, skur SSA, ki Deficit wa Ad hoc hapoh ka jylla da rai ki wym lai thoh ki ya ka D.El.Ed Exam (boycott) neibynta ka 1st Batch ka wow sdang nadooh 9 tarik hadooh 21 tarik uni u bnai.

Da rai leh wow pynman da ka ka chong kyllaiñ myngor wa i rah lama yong haka 9 tarik uni u bnai ha Additional Secretariat Parking Lot Shillong kawa man leh ka sngi sdang ka D.EL.ED exam nadooh i por 11 waje i step hadooh 1:30 i sngi.

Ya kani ka rai da chim ha ka yalang wa da pynman da ka Meghalaya SSA Schools Association (MSSASA) Central Body ha ka 4 tarik uni u bnai ha Yungwalieh ka Tpep Pale, Jowai wa hapoh Khasi National Dorbar Hall Mawkhar, Shillong hadien wa ka Sorkar Jylla wa ki bor wa khliehdooh yong ka NIOS ym ye ki wow pynmankaam yei dawa yong kiwa sikai kiwa yaleh ya ka D.El.Ed training yong ka 1st Batch.

U H.M. Marbaniang General Secretary ka MSSASA – Central Body ha ka khubor wa da phah da ong u wa hadien wa ka Synjuk da chem biang ko ya i wym biang ka result yong exam D.El.Ed yong ki 1st Batch wa pynmih da ka NIOS ha ka 22 tarik Naiynru uni u snem kawa man leh ka sien kawa le wa pynmih ya ka result hadien wa mih chiboon i kynrum kynram (errors and anomalies) ha ka result wa da pynmih da ka NIOS ha ka 9 tarik Naiynñiaw wa ka 4 tarik Khonchonglad 2016, neiliang ka Synjuk ha ka 4 tarik u Naichiphaw da thoh ko cha ka sorkar jylla lyngba u Director ka DERT u T.G. Momin wow kyrpaad ya ka sorkar jylla wow tuklar wei wow pynbait wa ki bor ka NIOS yow pynbait ki yeiwa bakla waroh wei wow pynmih biang ya ka result hapoh 31 tarik u Naichiphaw uni u snem tangwa iwa phylla wa ka sorkar jylla wa ki bor ka NIOS da suki hi-eh ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka synjuk da kyrpaad ko ya waroh ki D.El.Ed Trainees yong ka 1st Batch 2013 wow poi biang por ki ryngkat wa ka lama yong ha kani ka sngi wa da booh.

(Feature Image-File Photo)