Kiwa sikai Contract hapoh ka Meghalaya Government Lower Primary School Contractual Teachers Association (MGLPSCTA) da pynbna ki wow sangeh noh yei yakhih wa da sdang la kamwa chi bnai kattu.
U President ka MGLPSCTA, u Wabu Birbor Riangtem da pynbna u yeini heiwa da ong u wa i rai toh hadien wa ka sorkar da rai ko wow e laad sa chisien ya kiwa sikai wa da heh rta wow yakhun biang ya ka Exam.
Da ong u leh wa daw yang ki ya ka rai ka Kasari Supreme Court wa da phah ya ka sorkar wow chah ya kiwa sikai wow yakhun biang ya ka Exam Teachers Eligibility Test (TET).
Ini i rai kiwa sikai Contract toh hadien wa yachem ki ya u Montri ka chnat puræ puthi, u Lahkmen Rymbui ynne ka sngi.
