Jowai: U Damonmi S. Dkhar uwa jooh kreh seiñbhalang da pyntip u wow psiah noh u cha ka kaam saiñ hima sima wei da psiah u cha ka Party Congress neibynta wow yakhun ya ka Election MDC 2019 na ka Nartiang MDC Constituency.
U Dkhar toh uwa jooh man kam u dkhot ka Hynniewtrep A’chick National Movement (HANM) wei da man u kam u Secretary ka HANM seiñbei wei da ieh u ya ini i kaam ha ka 30-10-2018.
I rai yong oo wow psiah cha ka kaam saiñ hima sima toh wa hadien wa i lai luti da chem u boon i chitom ka jaitbru wei da toh por wow chim da kawi tawon ka luti wow chakri paidbah.
Discussion about this post