Ka synjuk kiwa sikai wa tip kam ka Meghalaya Upper Primary School Teachers Association (MUPSTA) Garo Hills Region da pynman ki ya ka General Meeting ha ka 3 tarik uni u bnai ha madan Rongram, Tura, West Garo Hills heipor 11:00 waje i step.
Ha kani ka yalang, ka seiñ da pynsñiaw ko yei sñiawkhia wa ka sorkar leh mutlop ko yei eh kiwa sikai skur Upper Primary kiwa em kamwa 844 tylli, heijooh i por ka seiñ ym sñiaw yahap ko yei klam yong u Montri ka chnat puræ puthi, u Lahkmen Rymbui uwa da ong bait wa ka sorkar ym ye ko wow pynku kyrdan Deficit ya waroh ki skur Adhoc Upper Primary wa em ha Meghalaya waroh kawi.
Ha kani ka yalang, ka seiñ da yatai sani bha ko ya ini i wym mano ka sorkar wei i wym leh iyi iyi yei dawa wa chongnia yong ka seiñ.
“Ka sorkar da kular thok ko da boonsien wow pynkrehkaam noh yei dawa yong ka seiñ wow pynku Deficit noh tangwa la soo snem ym em leh ko iyi iyi won.”
Kamtæ ka seiñ da iwi i pyrkhat da chim yei rai wow pynman yei yakhih wa eh hadooh wa wa ka sorkar u pynchah ko yei chkoor yei eh yong kiwa sikai.
Ka kyrwoh na u Senendro R Marak, Vice President MUPSTA Central Body & President MUPSTA Garo Hills Region.
