Ka Meghalaya da ye ko wow neh 7 Over ha ka sngi wa ar ka Ranji Trophy Elite Group A pyrchah ya ka Madhya Pradesh khlem da dooh Wicket tangwa dang em ko u loom wa jrong bha wow ku manda sang biang ka yalehke mynstep ha Rajkot.
Ka Meghalaya da kamai chwa ko du 61 heiwa ka MP da kamai ko 141/2 hadooh wa kut ka sngi nyngkong.
Ynne ka MP da pteiñ ko heiwa da pynkut ko yei kamai ko 499/6 heiwa ka Meghalaya da yoh ko wow Bat sa 7 Over chwa wow kut ka yalehke deiwa kamai 16 Run khlem dooh Wicket.
Na kiwa yalehke ka MP, u Shubham Sharma (111) wa u Akshat Raghuwanshi (100) da yoh ki ya ka spah Run. Wei da pynhaap ya u Akshat da u da u Guest Professional ka Meghalaya u Ravi Teja.
Kiwi de kiwa yoh Wicket toh u Akash Kumar Chaudhary (2/77), Kilco Marak (1/89) wa u Aryan Bora (2/124).
Kiwa Bat kiwa neh ya ka Meghlaya hadooh wa kut ynne toh u Wallam Lyngdoh Kynshi (12 not out) wa u Kishan Lyngdoh (4 not out) kiwa da kamai lyngba ki 4 Run.
