Shillong: Ka yalehke hapyrdi ka Meghalaya waka Bihar haka Ranji Trophy da poi ko cha wakut khlem em wa jop ynne ka sngi wa soo ha Patna hadien wa da pynkut noh neidaw wa doom smat ka sngi.
Deiwa pteiñ na 359/4 deiwa tam da 388 Run, ka Bihar da Bat ko sa du chi Over chwa wow chim yaka rai wow dam noh deiwa kamai 361/4 haka Innings wa ar yong ka deiwa booh thong yaka Meghalaya 391 Run yow jop.
U Wallam Lyngdoh Kynshi (25) wa u Purajit Mandal (43) da kamai lang ki 72 Run yaka Meghalaya chwa wow haap ki uwi hadien uwi hapoh 4 Over. U Ravi Teja (17 Not out) wa u Punit Bisht (48 Not out) toh kiwa dang Bat hadooh wa kut ka yalehke deiwa kamai lang 61 Run yow pynpoi yaka Meghalaya da 138/2.
Katwa haka U-23 Col CK Nayudu Trophy, ka Meghalaya da pynhaap ko ya ki Wicket ka Sikkim da 247 Run ha Guwahati haka sngi wa ar.
Ka Sikkim da pteiñ ko yei kamai na 59/2 wei da yoh ko 247 (All out), ini da pyntam ko da 28 Run. U Adarsh Joshi (3/19), u Roshan Warbah (2/14), u Kishan Lyngdoh (2/40), u Elchiang Ch Momin (1/28), u Himan Phukan (1/38) wa u Anish Charak (1/43) toh kiwa yoh Wicket yaka Meghalaya.
Ka Meghalaya hawa jubab ko, da yoh ko 71/5 hadooh wa kut ka yalehke ynne ka sngi iwa tam da 43 Run. U Yogesh Tiwari (16 Not out) wa u Joshi (3 Not out) toh kiwa dang Bat.
Discussion about this post