Kiwa kawang bol ka Meghalaya ynne da yoh ki wow pynhaap 7 tylli ki Wicket ha ka sngi wa ar ka yalehke Ranji Trophy pyrchah ya ka Kerala kawa da ye wow pteiñ u pyntam Run ya ka Meghalaya ha ka Innings wa nyngkong deiwa pyntam da 306 Run ynne ka sngi hapoh ka Elite Group-A wa pynman ha Rajkot, Gujarat.
Deiwa pteiñ da 205/1 wa da ieh ynnin hawa jubab ya ka 148 All Out ka Meghalaya, ka Kerala ynne da yoh ko 249 Run deiwa dooh 7 Wicket.
U Dippu Sangma (1/68) da yoh u wow pynhaap smat ya ka Wicket nyngkong ynne mar ya sdang tangwa ka Kerala da ye ko wow kamai 96 Run neibynta ka Wicket wa le. Tangwa ka Meghalaya hadien ini da sdang ko wow lehbha deiwa yoh 6 Wicket deiwa e 139 Run iwa pynman ya ka Kerala wow kamai ko 454/8 hadooh wa kut ka sngi.
U Guest Professional Chirag Khurana da kawang u 27.5 Over ynne wei da yoh u 2 Wicket najrong ka chi Wicket wa da yoh u ynnin iwa mut 3/106.
Kiwi de kiwa yoh Wicket toh u Md Nafees Siddique wa u Aryan Bora. Kini da yaleh ki ha ka wa ar ka yalehke First Class yong ki wei da yoh ki 2/48 wa 2/97.
Ka Meghalaya hawa Bat nyngkong ynnin da lehbha u Kishan Lyngdoh uwa da yoh 26 Run wa u Punit Bisht uwa da yoh 93 Run.
