Shillong: I lehbha ka Meghalaya da ka bol haka sngi nyngkong ka yalehke Ranji Trophy da pynhaap lut ya ki Wicket ka Bihar kawa kamai 208 Run ha Patna ynne ka sngi.
Ka Meghalaya da jop ko yaka kylla khlem wei da phah Bat nyngkong yaka Bihar wei ha iwi i por da yoh ko 118/7. Tangwa kiwa Bat cha tre da ye ki wow yaleh wow neh slem iwa da pynkut da u Aditya Singhania yow pyndep yaka kamai Run ka Bihar da 208.
U Singhania waroh da yoh u 4/59, u Mark Ingty 3/17 uwa da yoh leh ya kawi ka Run Out.
Ka Meghalaya da yoh ko 18 Run khlem haap Wicket deiwa bood da 190 Run. Daw pteiñ ki mynstep da u Wallam Lyngdoh Kynshi (11) wa u Purjait Mandal (6) kiwa dang Bat.
Discussion about this post