I klam yasuk hapyrdi ki le liang kitæ ka sorkar Meghalaya, sorkar India waka Hynñiewtrep National Liberation Council (HNLC) iwa da toh u sdang ha kani ka tayaw nyngkong uni u bnai da pynyoo ki dak wa thut neidaw iwa jia ha Manipur, da pyntip u Montri Rangbah, u Conrad K Sangma.
Da khana u wa ka Ministry of Home Affairs da boonkaam ko wa kiwa boon ki chnat sorkar Manipur iwa da pynman wow rap kylleiñ wei thut ini i yaklam yasuk.
Heijooh i por da ong u leh wa ka Ministry of Home Affairs (MHA) chimkhia ko ya ini i kaam wei ka sorkar jylla leh booddien wei da kynjoh ktien bait ko waka Ministry.
Hanla kattæ leh da ong u wa i klam yasuk daw pteiñ i wei daw lai i chakhmat ym slem de.
Kam wow pynkynmoo wa ka HNLC ini wa dep da baan joor ko wow maap wei wow pynlait chwa ki na waroh ki kaam wa da chah pynngat ki ha ki kyndon aiñ chwa wow lai chakhmat wow yaklam yasuk.
