Ka Lajong da rem ko hei sien wa nyngkong kani ka samoi ka I-League da 3-0 hei kti ka Aizawl FC ha ka yalehke wa da pynman ynne ka sngi ha SSA Stadium, Shillong.
Ka Aizawl da sdang ko deiwa miat heiwa da thap smat ko ar kool lyngba u Lalrinzuala Lalbiaknia haka minit wa 4 neitæ won haka minit wa 17 lyngba u R. Ramdinthara.
Ka Aizawl hadien ini da tia ko chadieñ yow yada wei da kut ka kylla step da 2-0. Ha ka kylla miet won, ka Aizawl da pyntam ko sa chi kool haka minit wa 57 lyngba u Joe Zoherliana hadien wa yoh u chut Corner.
Ka Lajong da yaleh ko katwa ye yow thap kool tangwa ka Aizawl da ye ko wow khanglaad hadooh wa kut ka yalehke.
Da ini i rem, ka Lajong da em ko hei wa soo hei boon Point deiwa yoh 16 Point na ki khynde tylli ki yalehke.
Ka Lajong kattu u yachem ko waka Real Kashmir FC ha kani ka 16 tarik heipor 2:00 waje i sngi ha TRC Turf Ground, Srinagar.
Discussion about this post