Shillong: Ka Langsning FC da rem ko da 3-1 ha ka TRAU FC ha ka yalehke wa khaddooh ka Second Division League wa pynman ha Khuman Lampak Main Stadium, Imphal ynnin ka sngi.
U Ngangbam Naocha da thap u ar kool katwa u Reisangmei Vashum da thap u chi kool katwa neiliang ka Langsning uwa khlan thap kool ya ka u Kitboklang Pale da yoh u thap chi kool chwa wow kut ka yalehke kawa man ka kool wa 7 wa da yoh u wow thap.
Kani toh ka sien nyngkong na ki 10 tylli ki yalehke chah thap ko palat chi kool wei ini i chah thap ko 3 kool toh pyrchah ya ka TRAU kawa da yoh u psiah cha ka Final Round. Ka TRAU da yoh ko u thap kool ha waroh ki yalehke ko wei da rem ko dang du chisien.
Ka TRAU da yoh ko 23 Points wei ka Langsning da poi ko ha i wa le deiwa yoh ko 15 Point.
Ka Langsning kattu u pyrkhreh wow yaleh ko ya ka Shillong Premier League kawa da dep jop ko.
Discussion about this post