Shillong: Ka Meghalaya da rem ko pyrchah yaka Puducherry haka Ranji Trophy da 5 Wicket haka yalehke wa duna bha i kamai Run kawa pynman ynne ka sngi ha Mangaldai, Assam.
Ka yalehke kawa sdang nadooh ka 3 tarik da pynthut yaka da u slap heiwa waroh arliang ym ye u poi 100 Run ha waroh ki Innings yong ki.
Ka Puducherry da jop ko yaka kylla khlem wei da phah Bat nyngkong ko yaka Meghalaya kawa ye u kamai du 65 Run. U Punit Bisht da kamai boon dooh u da 43 Run.
Ka Meghalaya daka bol da ye ko wow pynhaap lut yaki Wicket ka Puducherry kawa kamai 80 Run. Uwa kawang bol wa da leh bha toh u Sanjay Yadav 8/31, u Abhay Negi (1/9) wa u Aditya Singhania (1/19) toh kiwi kiwa da yoh Wicket.
Deiwa bood da 15 Run, ka Meghalaya ym ke wow kamai Run deiwa boon haka Innings wa ar yong ka heiwa da haap lut ki Wicket ko da 63 Run, iwa booh thong yaka Puducherry da 49 Run yow jop iwa da ye ki wow leh deiwa haap 5 tylli ki Wicket. U Negi da yoh 3/15 katwa u Yadav 2/31.
Ha kawi tawon ka yalehke haka U-23 Col CK Nayudu Trophy, ka Meghalaya da kamai ko 287/6 na ki 92 Over haka sngi nyngkong pyrchah yaka Mizoram kawa pynman ha Vizag.
Ka Meghalaya da jop ko yaka kylla khlem wei da jied ko wow Bat nyngkong heiwa u Yogesh Tiwari da kamai u 82 Run, u Rohit Shah 72 Run, u Kishan 47 Run wa u Bonkam Marak 44 Run.
Haka U-19 Cooch Behar Trophy, ka Meghalaya da kamai ko 34 Run khlem haap Wicket haka sngi wa ar, hawa kdong ya iwa kamai ka Bihar haka Innings wa nyngkong wa 258 Run (All Out) ha Tezpur.
Ka Meghalaya da phah Bat nyngkong ko yaka Bihar hadien wa jop ko yaka kylla khlem ynnin ka sngi heiwa ha kani ka yalehke leh da pynkthut u slap. Uwa kawang bol ka Meghalaya u Divyansh Rajput da yoh u 4/34, katwa u Aaron Nongrum (2/29), u Aryan Borah (2/34) wa u Abhishek Kumar (2/61) da yoh ki mar ar Wicket.
U Mrinal Das (17 Not Out) wa u Nishanta Chakraborty (12 Not Out) toh kiwa dang Bat yow pynlut yaki 15 Over wa sah hadooh wa kut ka yalehke ynne ka sngi.
Discussion about this post