Rs. 1 lak e yarap u Wailadmiki ya ka North Liberty ka wow mihkhmat ya ka jylla ha ka Subroto Cup 2025

Ha ka yalang leh burom ka North Liberty Higher Secondary School Jowai ya ki khynroo yalehbol yong ka kiwa daw lai mihkhmat ya ka jylla Meghalaya cha ka National Level hadien wa da rah naam jop ha ka Under-17 Boys State Level Subroto Cup 2025. U Wailadmiki Shylla MLA ka Jowai uwa da emlang kam u kongsan da e kti haroh u ya ka song poisa wa Rs. 1 lak cha kani ka skur kam ka dak wow e mynsien, u kyrchaan hei lai luti yong ka neibynta u lai yakhun rah naam ya ka jylla.

Ini i yarap wa Rs. 1 lak toh kawa dadep kular paidbah u wa kat dang man MLA u pteiñ u e yarap ya kawon kawon ka skur hapoh ka Constituency yong oo kawa mihkhmat ya ka jylla ha ka lympung yalehbol ha ka National Level.

Hawa pyn-eh-daw ya kiwa yalehke u nang kreh chitom wei lehbha ki ha ka National Level kawa daw man ha Delhi, da e yaroh u leh yaka skur North Liberty neibhah ym du wa man ko ka chlem wa bna naam hei puræ puthi, tangwa bna ko leh ha ki sap waphær waphær, wei ini toh nei chemphang wa i kreh chitom u Principal, u Richard Uriah chirup kiwa sikai ha ki sap waphær waphær.

Da pynkynmoo haroh u wa i sap lehke Sport ha ki khon khynroo khyllood katni ym em de sepai i kam nachwa, neibhah wa ka sorkar jylla lyngba ka MDA hapoh i yahkhmat u Conrad Sangma da wanrah ko ya ka Sports Policy heiwa kiwon kiwon kiwa yalehke Sport wa mihkhmat ya ka jylla deiwa yoh rah takma ksiar ye ki u yoh kreh sorkar.

Related posts

Da khang yei psiah ki kari na Khyndailad cha Umsohsun

August 11, 2025

Lai beh ka KSU ya uwa wanrah wei e thaw sah ya ki Muslim ha Laban

August 11, 2025

Heijooh i por da pynkynmoo haroh u ya ki laad ki kabu waphær wa ka sorkar jylla da wanrah kyrpang ko cha ki khon khynroo khyllood katkam ka sap wa em ki.

Ha kani ka sngi, ka skur North Liberty da pynkup burom ko leh ya ki khynroo khyllood puræ yong ka kiwa lai chimbynta ha ka NE-SPARKS næ ka North East Students’ Programme for Awareness, Reach, and Knowledge on Space, dei yarap ka sorkar jylla wei da lai pait haroh ki ya ka ISRO næ Indian Space Research Organisation deiwa yohlaad u yachem yumut wa ki Scientist.

Ha kani ka yalang leh burom da emlang leh u Lammat-Oo Laloo, General Secretary ka West Jaiñtia District Sports Association kam u symbood kongsan, ki Principal kiwa sikai na kiwi won ki skur, kiwa chah khut sñiawbha wa kiwi.