Heiyatoh wa i yap ka manbei kawa na chnong Jalaphet kawa dang punkhon heipor wa wan phah sumaar ha MCH Hospital Jowai ha u bnai June 2025 heiwa da chah pynbaad wym em chimkhia kiwa kreh kani ka thaw sumaar.
Neiliang ka chnat Health and Family Welfare ka sorkar Meghalaya da thung ko ya ka Enquiry Committee ha ka 07-07-25 heiwa da chem wa em boon i duna hadooh wa poi chei yap kani ka manbei kawa na East Jaiñtia Hills District.
Heiyatoh wa ini neiliang ka Meghalaya Human Rights Commission (MHRC) da leh da ka Suo Moto Case hadien wa mih khubor wa jia ini wei deiwa yoh u bichaar ya waroh, da pynmih ko ya ka Final Order ynne ka sngi kawa da phah cha u Additional Chief Secretary ka sorkar Meghalaya wa cha ka Health and Family Welfare Department deiwa tyrwa wow su ka poisa yarap wa Rs. 10 lak cha ki khon kani kawa yap khnang wow yarap ya ki hei rukom im ki hadien wa dooh noh ki ya ka bei.
Kam wow pynkynmoo wa kani ka manbei toh kawa tip kam ka Pynchei Bareh wei ini iwa jia ya ka da wanrah yei beiñ na kiwa boon heiwa ka yung kani kawa khlaad da ong ki wym em ki Nurse næ Doctor wa wan pait ka heipor wa wan ko yow chah pooid neibynta u kha khon.
Ha itu i por da ong wa neidaw wa ieh ka khlem wa pait dapoi noh chei yap ko.
Discussion about this post