Rs. 10 lak u e yarap u Sniawbhalang Dhar ya ka Khasi Pnar Secondary School Bakur

Ka Khasi Pnar Secondary Skur Bakur Dawki da yoh ko wow wai ya ki kamra namo ki Classroom thymme deiwa wan wai u Deputy Chief Minister, u Sniawbhalang Dhar kam u kongsan.

Yeini da leh ha ka yalang wa da pynman ha ka 24 tarik uni u bnai ha pchem kani ka skur deiwa emlang leh u MLA ka thaaiñ, u Lahkmen Rymbui, uwa e buit ka chnat puræ puthi, u HM Shangliang, u MLA warim, u Stephanson Mukhim, u waheh chnong ka Bakur, u Wepar Lamin, u Headmaster ka skur deilang wa kiwi kiwi ha ka yalang wa pynlai da u Alphonsius Khonglah heiwa da yoh yei klam yakhmat na u Luckystar Mannar uwa man u General Secretary yong ka chnong Bakur.

U Sniawbhalang Dhar hawa e yei klam ha kani ka sngi, da e mynsien u ya ki khynnah skur wym toh u dooh kyrmen ki ha i puræ puthi yong ki neibhah wot ka sorkar da yaleh chitom ko kammon u pynduna yei dam skur chitieñpor, wot haka Metric leh ka sorkar da pynkhreh ko ya ki mat neibynta kitu ki khynnah skur kiwa Fail chi Subject ar Subject leh wa dang yohlaad ki u yaleh biang neibynta kitu ki Subject kiwa Fail ki khnang yow ye ki u pyndep ya ka Metric.

Da e nongmuna u leh ya ka jylla Tripura kawa em 38 lak ngut ki bru, ki skur won em ki du 4000 tylli, katwa haka jylla yong i em i 29 lak tam i boon bru katwa ki skur em ki hadooh 14,000 tylli heiwa 4000 du ki skur ki bru samen (Private School).

Related posts

Da pynbna ya ka Result Interview kiwa yaleh kreh Grade IV

May 13, 2025

Khut ka NPYF-Jaiñtia Hills ya ki khynnah wa leh bha ha ki Exam yow chah pynkup burom

May 13, 2025

Ka sorkar da pynlut ko Rs. 2000 klur wow su tulop haka chi snem, Rs. 900 klur u hap e ya ki skur samen kam ki Building Grant, Grant-in-Aid wa kiwi tawon i emkaam ki skur, wot hapyrdi ini i eh, ka sorkar da yaleh chitom ko u pynku yei puræ puthi, wei ym jooh em kiwi tawon ki jylla kiwa ye u leh kamwa leh haka jylla yong i. Tangwa yeini wa yaleh chitom ka sorkar ym jooh em kiwa yaroh, du kiwa pynbaad wa beiñ.

Da sneiñ u leh wa hei im i kam ki bru ym jooh chynna yei lehbha tangwa lada chem i kajiak i bakla ya itæ wot u boh i.

Ha kani ka sngi da kular u wow e poisa hadooh Rs. 10 lak neibynta kani ka skur yow chna ya ka Auditorium.

Hawa pynkut ya kani ka yalang da yoh ya ki kyntien e khublei na ka Rita Manar kawa man ka Head Teacher yong ka L.P. Section.